Япония терма жамоаси вингери Дзюня Ито Бразилияга қарши кечган ўйин (1:2) якунларини сарҳисоб қилди. Ушбу учрашув Жаҳон чемпионатининг 1/16 финал босқичи доирасида бўлиб ўтди.
«Биз биринчи бўлимни ажойиб тарзда бошладик, биринчи бўлиб гол урдик ва ўйин тизгинини тўлиқ назорат қилдик. Аммо танаффусдан кейин рақиб бизни дарвозамиз олдидан чиқариб юбормай, қаттиқ босим ўтказди, жавоб голидан сўнг эса ташаббус бутунлай улар томонга ўтиб кетди. Бразилияликлар жарима майдонимиз ичига кетма-кет узатмаларни амалга оширишди ва якунда уларнинг ярим ҳимоячиси узоқ устун ёнида ёлғиз қолдирилгани сабабли гол ўтказиб юбордик. Шундан сўнг биз ўзимиз учун ўйинни қийинлаштириб юбордик», — дея Итонинг сўзларини келтиради ФИФА матбуот хизмати.
