2026 йилги жаҳон чемпионати плей-офф босқичининг биринчи раундида Испания ва Австрия терма жамоалари ўзаро тўқнашади. «Қизил фурия» ярим ҳимоячиси Алекс Баэна бўлажак баҳс ҳақидаги фикрлари билан ўртоқлашди.
«Мен Австриянинг Аргентинага қарши ўйинини кўрдим. Бу жамоа яхши таассурот қолдирди. Уларнинг таркибида ажойиб футболчилар йиғилган. Австрияликлар тўпни назорат қилишни билишади ва яккакурашларга фаол киришадилар. Бу осон бўлмаган учрашув бўлади. Биз хатоларга йўл қўймаслигимиз керак. Кичик бир хато ҳам ЖЧ билан хайрлашишга олиб келиши мумкин», — дея ярим ҳимоячининг сўзларини келтиради Mundo Deportivo.
Испания — Австрия учрашуви пайшанба куни, 2 июль куни бўлиб ўтади.
