2026 yilgi jahon chempionati pley-off bosqichining birinchi raundida Ispaniya va Avstriya terma jamoalari o‘zaro to‘qnashadi. «Qizil furiya» yarim himoyachisi Aleks Baena bo‘lajak bahs haqidagi fikrlari bilan o‘rtoqlashdi.
«Men Avstriyaning Argentinaga qarshi o‘yinini ko‘rdim. Bu jamoa yaxshi taassurot qoldirdi. Ularning tarkibida ajoyib futbolchilar yig‘ilgan. Avstriyaliklar to‘pni nazorat qilishni bilishadi va yakkakurashlarga faol kirishadilar. Bu oson bo‘lmagan uchrashuv bo‘ladi. Biz xatolarga yo‘l qo‘ymasligimiz kerak. Kichik bir xato ham JCH bilan xayrlashishga olib kelishi mumkin», — deya yarim himoyachining so‘zlarini keltiradi Mundo Deportivo.
Ispaniya — Avstriya uchrashuvi payshanba kuni, 2 iyul kuni bo‘lib o‘tadi.
