Енгил вазн тоифасида UFC собиқ чемпиони Хабиб Нурмагомедов Нидерландия ва Марокаш терма жамоалари ўртасидаги жаҳон чемпионати 1/16 финал учрашуви натижасига муносабат билдирди.
«Нидерландия ҳар бир жаҳон чемпионатида мақсадга яқин келади, аммо унга эриша олмайди. Марокашликлар эса шунчаки йиртқичлар, майдонга тушиб, охиригача курашишади. Бу мамлакатда футболнинг ривожланиши жуда жиддий даражада. Марокаш учун жуда хурсандман», — деб ёзиб қолдирди спортчи ижтимоий тармоқларда.
Учрашув 1:1 ҳисобидаги дуранг билан якунланди. Пенальтилар сериясида Марокаш терма жамоаси аниқроқ ҳаракат қилди — 3:2.
ЖЧ-2026нинг кейинги босқичида африкалик футболчилар Канада билан тўқнашадилар. Ушбу учрашув 4 июль куни бўлиб ўтади.
