Yengil vazn toifasida UFC sobiq chempioni Xabib Nurmagomedov Niderlandiya va Marokash terma jamoalari o‘rtasidagi jahon chempionati 1/16 final uchrashuvi natijasiga munosabat bildirdi.
«Niderlandiya har bir jahon chempionatida maqsadga yaqin keladi, ammo unga erisha olmaydi. Marokashliklar esa shunchaki yirtqichlar, maydonga tushib, oxirigacha kurashishadi. Bu mamlakatda futbolning rivojlanishi juda jiddiy darajada. Marokash uchun juda xursandman», — deb yozib qoldirdi sportchi ijtimoiy tarmoqlarda.
Uchrashuv 1:1 hisobidagi durang bilan yakunlandi. Penaltilar seriyasida Marokash terma jamoasi aniqroq harakat qildi — 3:2.
JCH-2026ning keyingi bosqichida afrikalik futbolchilar Kanada bilan to‘qnashadilar. Ushbu uchrashuv 4 iyul kuni bo‘lib o‘tadi.
