Португалиялик марказий ҳужумчи Гонсалу Рамуш «Милан» аъзосига айланди. Италия жамоаси матбуот хизмати ҳужумчи сотиб олинганини клубнинг расмий сайтида маълум қилди.
25 ёшли футболчи Франциянинг «ПСЖ» клубидан сотиб олинди. Аввалроқ келишув суммаси тахминан 75 миллион еврони ташкил этгани хабар қилинганди. Шу тариқа, Рамуш «Милан» тарихидаги энг қиммат харидга айланди.
Форварднинг янги клуб билан шартномаси 2031 йилнинг ёзига қадар амал қилади.
«Бенфика» тарбияланувчиси 2024 йилдан бери Францияда тўп суриб келаётган эди. «ПСЖ» либосида ўтказилган икки ярим мавсум давомида у барча турнирларда 131 та ўйинда майдонга тушиб, 45 та гол урди ва 10 та голли узатмани амалга оширди.
