Жаҳон чемпионатининг 1/8 финал йўлланмаси учун Франция ва Швеция терма жамоалари ўртасидаги баҳснинг биринчи бўлими якунланди. Дастлабки 45 дақиқаликдан сўнг францияликлар 1:0 ҳисобида олдинда боришмоқда.

Учрашувнинг 21-дақиқасида Килиан Мбаппе дарвозабон билан бирга-бир вазиятга чиқиб бориб, тўпни дарвозага киритган эди, бироқ у офсайдда қолгани сабабли гол инобатга олинмади. Шундан сўнг французлар яна бир қатор хавфли вазиятларни юзага келтиришди. Айниқса, Майкл Олисенинг чалқанча услубда йўллаган зарбаси дарвоза устунига тегиб қайтди.

Биринчи бўлимга қўшиб берилган дақиқаларда эса Франция барибир ўз мақсадига эришди. Чап қанотдан ижро этилган бурчак тўпидан сўнг, жарима майдончаси ичида тўпни қабул қилиб олган Мбаппе ҳимоячини ортда қолдирди ва аниқ зарба билан дарвозани ишғол этди — 1:0. Жорий дақиқаларда учрашувда танаффус эълон қилинган.