«Брайтон» клуби «Бенфика»нинг португалиялик ярим ҳимоячиси Родригу Регу трансферини тасдиқлади. 21 ёшли футболчи билан 5 йиллик шартнома имзоланди. Трансфер суммаси ошкор қилинмаяпти.

Ўтган мавсумда Регу «Бенфика»нинг асосий жамоаси сафида, жумладан, еврокубокларда жами 5 та ўйинда майдонга тушди.

«Родриго — жуда истиқболли истеъдод эгаси. Ўтган мавсумда у ҳам ички чемпионатда, ҳам Чемпионлар лигасида дебют қилишга улгурди. Бу унинг ўсишга эришаётганидан далолат беради. Унинг янада ривожланиши ва ўз салоҳиятини тўлиқ намоён этишига ёрдам бера олишимизга ишончимиз комил», — дейилади клуб баёнотида.

Transfermarkt портали талқинига кўра, футболчининг бозор қиймати 1,5 миллион еврони ташкил этади. Регу Португалия ёшлар терма жамоаси сафинда 2 та ўйинда иштирок этган.