Франция терма жамоаси бош мураббийи Дидье Дешам ЖЧ-2026нинг 1/16 финалида Швеция устидан қозонилган ғалабадан (3:0) сўнг журналистлардан ўз жамоаси ўйинидаги камчиликларни топишни сўради.
«Доим ишлайдиган, устида бош қотирадиган жиҳатлар топилади. Майдон ҳолати тўпнинг ҳаракатланишига унчалик ёрдам бермади, қолаверса, ўзимиз ҳам бор кучимиз билан ўйнамадик. Давом этинглар, бирор муаммони кўрсатинглар, бу нормал ҳолат. Ҳамма нарса ҳам доим порлоқ ва идеал бўлавермайди.
Биз ҳам эйфорияга берилмоқчи эмасмиз. Биз 1/8 финалдамиз ва бу мантиқий ҳамда табиий туюлса-да, бунинг қадрига етиш керак. Биз бунга лойиқ баҳо беришимиз, икки кун давомида ерга қайтиб, кейин эътиборни [кейинги ўйинга] қаратишимиз лозим. Парагвайнинг ўз устунликлари бор ва улардан нима кутишни биламиз», — деди Дешам.
