Испаниялик функционер Жоан Лапорта қайта сайланганидан сўнг расман «Барселона» президенти сифатида ўз вазифасини бажаришга киришди.
«Биз қийин вазиятларга дуч келдик, барча тўсиқларни вайрон қилдик ва энди айта оламизки, биз қайтдик ва яна оёққа маҳкам турибмиз. Биз рақобатбардош бўлдик ва ғалаба қозондик. Ишончим комилки, яқин йиллар ишониб бўлмас даражада ҳаяжонли ва қизиқарли ўтади. Бу кучли «Барселона»ни янада мустаҳкамлаш босқичи бўлади», — дея таъкидлади функционер айни дақиқаларда бўлиб ўтаётган лавозимга киришиш (инаугурация) маросимида.
Жоан Лапорта жорий йилнинг 15 мартида Каталония клуби президентлигига қайта сайланган эди. У аввал ҳам 2003–2010 ва 2021–2026 йилларда ушбу лавозимда фаолият юритган.
