Ispaniyalik funksioner Joan Laporta qayta saylanganidan so‘ng rasman «Barselona» prezidenti sifatida o‘z vazifasini bajarishga kirishdi.
«Biz qiyin vaziyatlarga duch keldik, barcha to‘siqlarni vayron qildik va endi ayta olamizki, biz qaytdik va yana oyoqqa mahkam turibmiz. Biz raqobatbardosh bo‘ldik va g‘alaba qozondik. Ishonchim komilki, yaqin yillar ishonib bo‘lmas darajada hayajonli va qiziqarli o‘tadi. Bu kuchli «Barselona»ni yanada mustahkamlash bosqichi bo‘ladi», — deya ta’kidladi funksioner ayni daqiqalarda bo‘lib o‘tayotgan lavozimga kirishish (inaugurasiya) marosimida.
Joan Laporta joriy yilning 15 martida Kataloniya klubi prezidentligiga qayta saylangan edi. U avval ham 2003–2010 va 2021–2026 yillarda ushbu lavozimda faoliyat yuritgan.
