Норвегия терма жамоаси бош мураббийи Столе Сольбаккен Эрлинг Ҳоланднинг жамоа ўйинига қўшган ҳиссаси ҳақида гапирди. Норвегияликлар ЖЧ-2026 1/16 финалида Кот-д’Ивуарни мағлуб этишди (2:1). 25 ёшли ҳужумчи 86-дақиқада ҳал қилувчи голни урди.

«У дунёдаги энг буюк тўпурар, бунга ҳеч қандай шубҳа йўқ. У бу ўйинда фаол иштирок этмади, аммо биринчи бўлимда унда ажойиб имконият бўлганди, кейин эса гол урди. У шунчаки ақл бовар қилмас даражада. У каби футболчи жамоага хотиржамлик ва совуққонлик олиб киради.

Менимча, уни тўпни ўзида сақлаб туриш борасида жуда кам баҳолашади. Бу ўйинда у бирор марта ҳам тўпни йўқотмади ва бу жамоа учун жуда катта аҳамиятга эга. Мен у бунинг бир қисми эканидан, ўз мамлакати шарафини ҳимоя қилаётганидан фахрланишини биламан, аммо у жамоа биргаликда ҳаракат қилишини ва унга шерикларининг қўллаб-қувватлаши кераклигини ҳам тушунади.

Норвегия каби кичик мамлакат учун Жаҳон чемпионатидаги учта ўйинда бешта гол уриш — бу ҳайратланарли, шунинг учун барча хизмат уники. Ва йўқ, мен уни ҳеч кимга алмашмаган бўлардим», – деди Сольбаккен учрашувдан сўнг.