Мексика терма жамоаси бош мураббийи Хавьер Агирре ЖЧ-2026 1/16 финалида Эквадор устидан қозонилган ғалаба (2:0) ҳақида фикр билдирди.

«Ацтека» стадионини охирги марта бундай ҳолатда кўрганимга қарийб 40 йил бўлди.

Бу ғалаба мен учун жуда катта аҳамиятга эга. Мен бешинчи ўйинга [ЖЧ чорак финалига] етиб бора олмаган ўша футболчилардан бири эдим. Бу жуда аламли. Гуруҳ босқичидан ўтасан ва яхши ўйин кўрсатасан, лекин кейин сени турнирдан чиқариб юборадиган жиддий хатога йўл қўясан. Бугун мухлислар билан бўлган алоқа бизга куч бағишлади. Бу ҳайратланарли стадион. Бу мексикаликлар учун катта кун.

Биринчи бўлимдаги ўйин биз интилаётган идеалга жуда яқин бўлди. Иккинчи бўлимда эса таркибга сезиларли ўзгартиришлар киритиб, қандай ҳимояланишни ва улар юзага келтирган босимга мослашишни билдик», – деди Агирре.