Германия терма жамоаси ҳимоячиси Антонио Рюдигер миллий жамоанинг Жаҳон чемпионати — 2026 нинг 1/16 финал босқичида турнирни тарк этганига муносабат билдирди. Бундестим ЖЧ-2026 даги иштирокини 1/16 финал босқичида якунлади ва ўйиндан кейинги пенальтилар сериясида Парагвай терма жамоасига имкониятни бой берди (1:1, пенальтилар бўйича 3:4).

«Бу жуда қаттиқ азоб бермоқда. Барчамиз шунчаки етарлича яхши ўйнай олмадик. Бу биз қабул қилишга мажбур бўлган аччиқ ҳақиқатдир. Биз жамоа сифатида чуқур қайғудамиз, аммо ҳаммасидан ҳам кўпроқ сиз — мухлисларимиз учун афсусдамиз. Нима бўлишидан қатъи назар, қўллаб-қувватлаганингиз учун раҳмат», — деб ёзди Антонио Рюдигер ижтимоий тармоқдаги ўз саҳифасида.