Жаҳон чемпионати–2026 1/16 финали доирасида Англия ва Конго ДР терма жамоалари ўртасидаги учрашув якунланди. АҚШнинг Атланта шаҳридаги «Мерседес-Бенц Стэдиум»да бўлиб ўтган баҳсда англияликлар 2:1 ҳисобида иродали ғалабага эришди.
Учрашувни иорданиялик ҳакам Адҳам Махадме бошчилигидаги ҳакамлар гуруҳи бошқариб борди.
7-дақиқада ярим ҳимоячи Брайан Сипенга яқин бурчакни аниқ нишонга олиб, Конго ДРни ҳисобда олдинга олиб чиқди. Ушбу ҳисоб узоқ вақт давомида сақланиб турди.
75-дақиқада Англия ҳужумчиси Харри Кейн бош билан киритган голи орқали мувозанатни тиклади. 86-дақиқада эса Кейн дубль расмийлаштириб, жамоасига ғалаба келтирди.
Шу тариқа, Англия терма жамоаси Жаҳон чемпионати–2026 нимчорак финалига йўлланма олди. Кейинги босқичда англияликлар Мексика терма жамоасига қарши майдонга тушади.
Конго ДР терма жамоаси эса мусобақадаги иштирокини якунлади.
ЖЧ-2026. 1/16 финал
1 июль, 2026 йил
Англия — Конго ДР — 2:1
Голлар: Сипенга, 7 (0:1), Кейн, 75 (1:1), Кейн, 86 (2:1).













