Бразилия терма жамоаси ҳужумчиси Неймар Португалияга қарши бўлиб ўтган ўртоқлик ўйинидан кейин ўз фикрлари билан ўртоқлашди.
«Ўйинда бир неча марта оёғимга тепишди. Оёғим ҳалиям бироз оғрияпти. Мени оёғимга тепишган вазиятларнинг такрорий лавҳасини кўрдим ва буни Тиаго Сильвага ҳам кўрсатдим.
Мен бўлар бўлмасга аюханнос солиб, ётиб оладиган футболчи эмасман. Оёғимга тепишлари, менга ва шерикларимга куч бағишлайди.
Португалия билан ўйин жуда ажойиб кечди. Бундай терма жамоаларга қарши ўйинлар одатда шоу кўринишида кечади. Португалия ҳар доим кучли жамоа бўлган. Жамоанинг ва ўзимнинг ўйинимдан хурсандман»,- дейди футболчи.
