Франциялик ҳимоячи Кассум Уаттара фаолиятини Туркия чемпионатида давом эттиради. 21 ёшли футболчининг «Бешиктош» клубига ўтгани ҳақида клуб расмий сайти хабар берди.

Уаттара монегасклар сафида 2023 йилнинг ноябрь ойидан буён ҳаракат қилиб келаётган эди, у ерга футболчи «Амьен» клубидан кўчиб ўтганди. Шу вақт ичида чап қанот ҳимоячиси клубнинг барча мусобақаларида жами 57 та ўйинда майдонга тушиб, 1 та гол урди, 7 та голли узатмани амалга оширди ва 9 бор огоҳлантирилди.

«Монако» таркибида футболчи жамоасига икки марта Лига 1 мавсумини совринли ўринларда якунлашига ҳамда Чемпионлар Лигаси саралашига йўлланма олишига ёрдам берди. Унинг мазмунли ўйинлари Франция ёшлар терма жамоасига чақирув олишига сабаб бўлди ва у ерда 3 та учрашувда майдонга тушди.

«Бешиктош» ўтган мавсум якунларига кўра тўртинчи ўринни эгаллаган эди. Ушбу трансфер Истанбул клубига 8 миллион еврога тушди.