Нидерландия терма жамоаси ярим ҳимоячиси Райан Гравенберх миллий жамоанинг Жаҳон чемпионати — 2026ни тарк этганидан сўнг ўз фикрларини билдирди.
Турнирнинг 1/16 финалида Нидерландия Марокаш терма жамоасига 1:1 (пен. серияси бўйича 2:3) ҳисобида имкониятни бой берди. Гравенберх ўз фаолиятида биринчи марта Жаҳон чемпионатида иштирок этди; у жамоанинг турнирдаги барча тўртта учрашувида бошланғич таркибда майдонга тушди ва иккита голли узатмани амалга оширди.
«Бу ҳафсала пир бўлишини сўз билан ифодалаб бериш қийин, биз бундан анча каттароқ натижаларни орзу қилган эдик. Ҳар бир қадамда биз билан бирга бўлганингиз учун барчага раҳмат. Ўзимнинг илк Жаҳон чемпионатимда ватаним шарафини ҳимоя қилганимдан фахрланаман», — деб ёзди Гравенберх ўз ижтимоий тармоқдаги саҳифасида.
ЖЧ-2026 мусобақаси 11 июндан 19 июлга қадар Канада, АҚШ ва Мексикада бўлиб ўтмоқда. Аргентина терма жамоаси амалдаги чемпион ҳисобланади.
