Португалия терма жамоаси ҳужумчиси Криштиану Роналду жаҳон чемпионатларидаги навбатдаги рекордини ўрнатди.
41 ёшли футболчи ЖЧ-2026 1/16 финали доирасида Хорватияга қарши кечган учрашувнинг 68-дақиқасида пенальтини аниқ амалга ошириб, ҳисобни тенглаштирди. Шу тариқа, Роналду мундиаллар тарихида плей-офф босқичида гол урган энг ёши катта футболчига айланди. Шунингдек, Криштиану турнирнинг плей-офф босқичида майдонга тушган энг ёши катта ўйинчи эканлигини ҳам эслатиб ўтамиз.
81-дақиқада португаллар бош мураббийи Роберто Мартинес юлдузни захирага олди.
