Айни пайтда бўлиб ўтаётган Жаҳон чемпионатида ҳар бир учрашувда ўртача 2,92 тадан гол урилмоқда — бу охирги ярим асрдан кўпроқ вақт ичидаги энг юқори ўртача кўрсаткичдир. Бундан яхшироқ натижа фақатгина 1970 йилги мундиалда қайд этилган эди — ўшанда ҳар бир ўйинга ўртача 2,97 тадан гол тўғри келган.

Ўшандан бери ҳеч бир Жаҳон чемпионати бу қадар юқори маҳсулдорлик билан мақтана олмаган. Бундан ташқари, гуруҳ босқичида маҳсулдорлик бундан ҳам юқори бўлди — ҳар бир баҳсда ўртача 2,98 та гол. Энг кўп гол Франция, Норвегия, Сенегал ва Ироқ жой олган гуруҳда кузатилди — 27 та гол.

Жаҳон чемпионатлари тарихидаги энг сермаҳсул турнир сифатида 1954 йили Швейцарияда ўтган мундиал рекордчи бўлиб турибди — ўшанда учрашувларда ўртача 5,38 тадан гол киритилган.