Бразилия миллий терма жамоаси бош мураббийи Карло Анчелотти Жаҳон чемпионати — 2026нинг 1/8 финалидан ўрин олган Норвегияга қарши баҳс олдидан жамоа юлдузи Неймарнинг жисмоний ҳолати ҳақида тўхталди.
«Неймар бутун ўйин давомида майдонда ҳаракат қилишга қодир. У захира ўриндиғида ўтиришга асло рози бўлмайди, ҳақиқий профессионалдек меҳнат қилмоқда ва аъло даражада шуғулланяпти. Жамоада уни жуда қадрлашади ва ҳурмат қилишади. Неймар терма жамоа учун ўта муҳим фигура. Мен унинг меҳнатидан мутлақо қониқяпман», — дея италиялик мутахассиснинг сўзларини келтиради Globo Esporte.
Эслатиб ўтамиз, Бразилия ва Норвегия терма жамоалари ўртасидаги учрашув якшанба, 5 июль куни Нью-Йоркдаги стадионда бўлиб ўтади. Бош ҳакамнинг старт ҳуштаги Тошкент вақти билан 6 июлга ўтар кечаси соат 01:00 да чалинади.
