Кабо-Верде терма жамоаси бош мураббийи Лейтан Бриту Жаҳон чемпионати — 2026 плей-офф босқичининг илк раундида Аргентинадан қабул қилиб олинган мағлубият ҳақида фикр билдирди. Африкалик футболчилар қўшимча бўлимларда 2:3 ҳисобида имкониятни бой бериб, нуфузли турнирни тарк этишди.
«Жамоамиз Жаҳон чемпионатида ватанимиз шарафини муносиб ҳимоя қилди. Биз амалдаги жаҳон чемпионлари билан баҳсда икки марта ҳисобни тенглаштира олдик, Аргентина билан қўшимча таймгача етиб бордик. Футболчиларим билан фахрланаман. Биз аслида ким эканлигимизни бутун дунёга кўрсатиб қўйдик», — дея мутахассиснинг сўзларини келтиради Халқаро футбол федерацияси (ФИФА) матбуот хизмати.
Африкаликларни мағлуб этган Аргентина терма жамоаси ЖЧ-2026нинг нимчорак финалига йўл олди. «Альбиселесте» ўзининг навбатдаги учрашувини 7 июль куни Миср терма жамоасига қарши ўтказади.
