Жаҳон чемпионати — 2026 плей-офф босқичининг илк раундида Колумбия терма жамоаси Гана устидан 1:0 ҳисобида минимал ғалабага эришди. Ғолиб жамоа устози Нестор Лоренсо учрашув натижаси ҳақида ўз фикрларини билдирди.
«Биз вазиятлардан фойдаланишда энг яхши ўйинимизни кўрсата олмадик, бироқ ҳимоядаги ҳаракатларимиз менга манзур бўлди. Рақиб бизга деярли ҳеч қандай муаммо туғдира олгани йўқ.
Швейцарияликларга қарши кечадиган баҳс эса осон бўлмайди. Уларнинг ярим ҳимоя ва ҳужум чизиғида жуда яхши футболчилар йиғилган. Жамоавий ўйин тизими анча шаклланган», — дея мутахассиснинг сўзларини Straits Times нашри келтиради.
Колумбия ва Швейцария терма жамоалари ўртасидаги нимчорак финал учрашуви 7 июль куни Тошкент вақти билан соат 01:00 да бўлиб ўтади.
