Jahon chempionati — 2026 pley-off bosqichining ilk raundida Kolumbiya terma jamoasi Gana ustidan 1:0 hisobida minimal g‘alabaga erishdi. G‘olib jamoa ustozi Nestor Lorenso uchrashuv natijasi haqida o‘z fikrlarini bildirdi.
«Biz vaziyatlardan foydalanishda eng yaxshi o‘yinimizni ko‘rsata olmadik, biroq himoyadagi harakatlarimiz menga manzur bo‘ldi. Raqib bizga deyarli hech qanday muammo tug‘dira olgani yo‘q.
Shveysariyaliklarga qarshi kechadigan bahs esa oson bo‘lmaydi. Ularning yarim himoya va hujum chizig‘ida juda yaxshi futbolchilar yig‘ilgan. Jamoaviy o‘yin tizimi ancha shakllangan», — deya mutaxassisning so‘zlarini Straits Times nashri keltiradi.
Kolumbiya va Shveysariya terma jamoalari o‘rtasidagi nimchorak final uchrashuvi 7 iyul kuni Toshkent vaqti bilan soat 01:00 da bo‘lib o‘tadi.
