Швециялик собиқ ҳужумчи Златан Ибраҳимович Криштиану Роналдунинг Жаҳон чемпионатида асосий таркибда майдонга тушишга бўлган интилишини ёқламайди. Ибраҳимовичнинг фикрича, бу ҳолат португаллар зарарига ишламоқда.
«Роналдунинг эгоси Португалия терма жамоасини гаровда ушлаб турибди. Уни асосий таркибга қўйишда давом этиш — бу шунчаки носталгия (ўтмиш хотиралари) туйғуси туфайли юзага келаётган телбаликдир», — дея Ибраҳимовичнинг сўзларини derbyderbyderby.it нашри келтиради.
Эслатиб ўтамиз, португал футболи тарихидаги энг буюк футболчи ўз фаолиятида олтинчи бор Жаҳон чемпионатида иштирок этмоқда. У давом этаётган ЖЧ-2026 мусобақасида ҳозиргача ўз ҳисобига 3 та гол ёздириб қўйишга улгурди.
