Япония терма жамоаси посбони Дзион Сузуки Англияга кўчиб ўтиши мумкин. 2026 йилги жаҳон чемпионатидаги иштирокидан сўнг, Италиянинг «Парма» клуби дарвозабонига Премьер-лиганинг учта жамоаси даъвогарлик қилмоқда. Бу ҳақда Mundo Deportivo нашри хабар бермоқда.
Манбанинг маълумотларига кўра, 23 ёшли футболчи Бирмингемнинг «Астон Вилла», «Манчестер Юнайтед» ва «Лидс» клублари эътиборида турибди.
Судзуки 2024 йилдан бери Италияда тўп суради. Якунланган мавсумда япониялик дарвозабон А Серия доирасида 20 та ўйин ўтказиб, уларнинг 5 тасида ўз дарвозаси дахлсизлигини сақлаб қолди. Transfermarkt портали мутахассислари посбонни 20 миллион еврога баҳолашмоқда. Унинг «Парма» билан шартномаси 2029 йилнинг ёзигача мўлжалланган.
