«Барселона» ва Испания терма жамоаси ҳимоячиси Пау Кубарси Португалия терма жамоасига қарши ўйин олдидан ўз кутишлари билан ўртоқлашди. Жаҳон чемпионати — 2026 турнирининг 1/8 финалида Испания терма жамоаси душанба, 6 июль куни Португалия билан тўқнаш келади. Учрашув АҚШнинг Арлингтон шаҳридаги «Эй-Ти-энд-Ти» стадионида бўлиб ўтади.
«Криштиану Роналду каби афсонага қарши ўйнаш унутилмас бўларди. Мен ундан либосини сўраган бўлардим, лекин унинг орқасидан бутун бир навбат юзага келиши аниқ!» — дея Кубарсининг сўзларини келтирмоқда Фабрицио Романо.
19 ёшли футболчи Жаҳон чемпионати — 2026 гуруҳ босқичидаги барча учта ўйинни ва турнирнинг 1/16 финали доирасидаги Австрияга қарши учрашувни (3:0) тўлиқ ўтказди.
