Англия чемпионатининг тўртта клуби «Селтик» ҳужумчиси Даидзэн Маэдани ўз сафига қўшиб олиш учун курашга киришди. Футболчи ҳозир бўлиб ўтаётган Жаҳон чемпионатида Япония терма жамоаси таркибидан жой олган эди.

Chosun Daily нашрининг қайд этишича, 27 ёшли форвард гуруҳ босқичида Швеция терма жамоаси дарвозасига киритган голи, шунингдек, юқори тезлиги ва фаол прессинги туфайли инглиз клублари эътиборини тортган.

«Селтик» ўз футболчисини 15 миллиондан 20 миллион фунт стерлинггача (тахминан 17,5-23,4 миллион евро) баҳоламоқда.

Бу борада энг катта фаолликни футболчини анчадан бери кузатиб келаётган «Брентфорд» клуби кўрсатмоқда. Шунингдек, «Эвертон»да ҳам унга нисбатан қизиқиш сақланиб қолган — жамоа устози Дэвид Мойес Маэдани ҳужум чизиғи учун универсал футболчи сифатида кўрмоқда. Бундан ташқари, «Ноттингем Форест» ва «Фулхэм» клублари ҳам ушбу трансфер ҳақида ўйлаб кўришмоқда.