Жаҳон чемпионати–2026 1/8 финалида Англия ва Мексика терма жамоалари ўзаро тўқнаш келишди. Томас Тухель шогирдлари Харри Кейннинг голи ва Жуд Беллингемнинг дубли эвазига 3:2 ҳисобида ғалаба қозонишди.
Германиялик мутахассис якуний ҳуштакдан сўнг ОАВ вакиллари билан суҳбатлашди.
«Жамоанинг ўйинидан фахрланаман. Биз учун ҳар бир футболчи муҳим эди. Бу жуда қийин учрашув бўлди. Вазият бизнинг зараримизга ривожланаётган пайтда ҳам таслим бўлмадик, ўзимизга бўлган ишончни сақлаб қолдик. Жамоа яна бир қадам ташлади», — дея мураббийнинг сўзларини келтиради ФИФА матбуот хизмати.
Мундиалнинг ярим финал йўлланмаси учун Англия Норвегияга қарши баҳс олиб боради. Учрашув 12 июль куни бўлиб ўтади.
