Бельгия терма жамоаси бош мураббийи Руди Гарсия ФИФАнинг Жаҳон чемпионати–2026 1/8 финал учрашуви олдидан АҚШ терма жамоаси ҳужумчиси Фоларин Балогуннинг дисквалификациясини вақтинча тўхтатиб туриш ҳақидаги қарорини 1 апрель ҳазилига ўхшатди.
«6 июлда эмас, балки 1 апрелда ўйнаётганимизни билмаган эканман», — дея Гарсиянинг сўзларини келтиради журналист Бен Жейкобс.
24 ёшли ҳужумчи жаҳон чемпионати 1/16 финалидан ўрин олган АҚШ — Босния ва Герцеговина (2:0) учрашувининг 64-дақиқасида тўғридан-тўғри қизил карточка олган ва турнирнинг плей-офф босқичи кейинги раундида ўз жамоасининг ўйинини ўтказиб юбориши керак эди.
5 июль куни ФИФА футболчининг дисквалификациясини вақтинча тўхтатиб турди. Эндиликда Балогун ЖЧ-2026 1/8 финали доирасидаги Бельгияга қарши баҳсда майдонга туша олади. Учрашув 6 июлдан 7 июлга ўтар кечаси бўлиб ўтади ва Тошкент вақти билан соат 05:00 да бошланади.
