Лионель Скалони бошчилигидаги Аргентина терма жамоаси мураббийлар штаби Жаҳон чемпионатида юзага келган муаммоларни ҳал қилиш билан банд.

Аргентиналиклар 1/8 финалга йўл олишди, бироқ Кабо-Вердега қарши учрашувда жиддий қийинчиликларга дуч келиб, фақат қўшимча вақтлардагина ғалабани қўлга киритишди (3:2). Diario Olé нашрининг хабар беришича, жамоада прессинг билан боғлиқ муаммолар хавотир уйғотмоқда — у Скалони хоҳлагандек ишламаяпти. Шунингдек, тўпга эгалик қилиш босқичидаги қийинчиликлар ҳам қайд этилган: «альбиселесте» кўплаб позицион ҳужумлар ташкил этмоқда, аммо ўзларига хос бўлган темпни кескин ўзгартириш борасида оқсашмоқда. Бундан ташқари, Лионель Мессининг индивидуал «сеҳри»га ҳаддан ташқари боғланиб қолиш муаммоси ҳам мавжуд — айниқса, зич ҳимояланадиган рақибларга қарши ўйинларда бу яққол кўзга ташланмоқда.

7 июль куни Аргентина терма жамоаси ЖЧ-2026 1/8 финали доирасида Мисрга қарши майдонга тушади. Ўйин Тошкент вақти билан соат 21:00 да бошланади.