Lionel Skaloni boshchiligidagi Argentina terma jamoasi murabbiylar shtabi Jahon chempionatida yuzaga kelgan muammolarni hal qilish bilan band.

Argentinaliklar 1/8 finalga yo‘l olishdi, biroq Kabo-Verdega qarshi uchrashuvda jiddiy qiyinchiliklarga duch kelib, faqat qo‘shimcha vaqtlardagina g‘alabani qo‘lga kiritishdi (3:2). Diario Olé nashrining xabar berishicha, jamoada pressing bilan bog‘liq muammolar xavotir uyg‘otmoqda — u Skaloni xohlagandek ishlamayapti. Shuningdek, to‘pga egalik qilish bosqichidagi qiyinchiliklar ham qayd etilgan: «albiseleste» ko‘plab pozision hujumlar tashkil etmoqda, ammo o‘zlariga xos bo‘lgan tempni keskin o‘zgartirish borasida oqsashmoqda. Bundan tashqari, Lionel Messining individual «sehri»ga haddan tashqari bog‘lanib qolish muammosi ham mavjud — ayniqsa, zich himoyalanadigan raqiblarga qarshi o‘yinlarda bu yaqqol ko‘zga tashlanmoqda.

7 iyul kuni Argentina terma jamoasi JCH-2026 1/8 finali doirasida Misrga qarshi maydonga tushadi. O‘yin Toshkent vaqti bilan soat 21:00 da boshlanadi.