«Барселона» «Реал Сосьедад» дарвозабони Алекс Ремирога бўлган қизиқишини сақлаб қолмоқда.
Mundo Deportivo газетасининг хабар беришича, 31 ёшли испаниялик посбон «Барселона» бош мураббийи Ханс-Дитер Фликка маъқул келмоқда. Ўйинчининг ўзи ҳам каталонияликлар сафига қўшилишга тайёр, бироқ бу трансфер Войцех Шеснининг келажагига боғлиқ. «Кўк-анорранглилар» фақатгина польшалик дарвозабон билан хайрлашган тақдирдагина Ремиро учун ҳаракат бошлайди. Ҳозирча эса клубнинг трансфер бозорида бошқа устувор мақсадлари бор.
Ўтган мавсумда Ремиро барча турнирларда 39 та ўйин ўтказиб, 62 та гол ўтказиб юборди ва фақат тўртта учрашувда ўз дарвозаси дахлсизлигини сақлаб қолди.
Transfermarkt мутахассислари футболчини тўққиз миллион еврога баҳоламоқда.
