Ярим ҳимоячи Марк Касадо ўзини сотиб юборишмоқчи эканлиги ҳақидаги маълумотларни рад этди. Касадо якуний қарор клуб раҳбарияти ва бош мураббий билан суҳбатдан сўнг қабул қилинишини таъкидлади.
«Клуб мени сотмоқчи эканлиги ҳақидаги хабарлар қаердан пайдо бўлаётганини билмайман. Менга бу ҳақда ҳеч ким ҳеч нарса демади, агентим ҳам бунга ўхшаш гапни айтгани йўқ. Мен мураббий, клуб ва агентларим билан гаплашиб оламан, кейин эса барча учун энг тўғри бўлган қарорга келамиз», — деди Касадо.
ОАВ томонидан берилаётган маълумотларга кўра, Марк Касадонинг хизматларига Саудия Арабистонининг топ-клуби жиддий қизиқиш билдирмоқда. Футболчини ўз сафига қўшиб олишни «Ал-Ҳилол» клуби истамоқда.
