Мюнхеннинг «Бавария» клуби ярим ҳимоячиси Жамал Мусиала Жаҳон чемпионатидан қайтиб келганидан сўнг режали жарроҳлик амалиётини бошдан кечирди. Бу ҳақда клуб матбуот хизмати хабар бермоқда.
Bild нашрининг қайд этишича, ушбу операция Мусиаланинг оёқ кафти суягидан металл пластинани олиб ташлаш учун ўтказилган. Мазкур пластина футболчига ўтган ёзда бажарилган жарроҳлик амалиётидан сўнг ўрнатилган эди.
Клуб раҳбарияти операция оддий хусусиятга эга бўлганини ва мақбул муддатларда амалга оширилганини таъкидлади. «Бавария» футболчининг алоҳида дастур асосидаги тикланиш муддатларига аниқлик киритмади, бироқ соғайиш жараёни режадагидек кетаётганини алоҳида урғулади.
Катта эҳтимол билан, Мусиала янги мавсумда «Бавария»нинг илк расмий учрашувларига қадар тўлиқ сафга қайтиши ва тайёр бўлиши кутилмоқда.
