Аргентина терма жамоаси бош мураббийи Лионель Скалони 1/8 финал доирасидаги Мисрга қарши ўйин олдидан ўтказилган матбуот анжуманида ЖЧ-2026 даражаси ҳақида гапирди.
«Бу жаҳон чемпионати ҳамма учун қийин кечмоқда.
Ҳозирча ҳақиқатан ҳам яққол устунлик қилаётган бирорта жамоа йўқ. Франция кучли кўринмоқда, аммо уларга ҳам Парагвайга қарши ўйинда осон бўлмади.
Испанияда ҳам қийинчиликлар бор. Ҳеч бир жамоа жаҳон чемпионатидан олдин кўрсатган спорт формасини сақлаб қола олмади.
Рақиблар яхши ўйин намойиш этишмоқда ва шароитлар ҳам биз илгари кўрганларимиздан фарқ қилади. Кўплаб учрашувларда майдонга тушган футболчилар буни сезишяпти.
Биз қониқарли даражада ўйин кўрсатяпмиз. Тўртта ўйиннинг барчасида ғалаба қозондик, бундан мамнун бўлсак бўлади. Аммо ҳали устида ишлайдиган жиҳатларимиз бор.
Миср — яхши рақиб. Бу жуда сифатли жамоа. Уларда тажрибали футболчилар ва улар билан узоқ вақтдан бери ишлаб келаётган мураббий бор», — деди Лионель Скалони.
