ЖЧ-2026 1/8 финалидан ўрин олган Швейцария ва Колумбия терма жамоалари ўртасидаги учрашув турнирда асосий вақти 0:0 ҳисобида якунланган саккизинчи баҳс бўлди.
Бу битта жаҳон чемпионатида гол урилмаган ўйинлар сони бўйича мутлақ рекорддир. Бунгача 1982, 2006, 2010, 2014 ва 2022 йиллардаги жаҳон чемпионатларида асосий вақти 0:0 ҳисобида тугаган 7 тадан ўйин қайд этилган эди.
Пенальтилар сериясида Швейцария ғалаба қозонди (4:3) ва чорак финалга йўл олди. Улар ушбу босқичда Аргентина билан тўқнаш келишади. Учрашув якшанба, 12 июль куни бўлиб ўтади ва Тошкент вақти билан соат 06:00 да бошланади.
