JCH-2026 1/8 finalidan o‘rin olgan Shveysariya va Kolumbiya terma jamoalari o‘rtasidagi uchrashuv turnirda asosiy vaqti 0:0 hisobida yakunlangan sakkizinchi bahs bo‘ldi.
Bu bitta jahon chempionatida gol urilmagan o‘yinlar soni bo‘yicha mutlaq rekorddir. Bungacha 1982, 2006, 2010, 2014 va 2022 yillardagi jahon chempionatlarida asosiy vaqti 0:0 hisobida tugagan 7 tadan o‘yin qayd etilgan edi.
Penaltilar seriyasida Shveysariya g‘alaba qozondi (4:3) va chorak finalga yo‘l oldi. Ular ushbu bosqichda Argentina bilan to‘qnash kelishadi. Uchrashuv yakshanba, 12 iyul kuni bo‘lib o‘tadi va Toshkent vaqti bilan soat 06:00 da boshlanadi.
