Швейцария терма жамоаси голкипери Грегор Кобель 11 метрлик белгидан йўлланадиган зарбаларга қандай тайёргарлик кўриши ҳақида гапириб берди.

«Мен зарба бераётган футболчининг ҳаракатланишини, нигоҳини кузатаман. Умуман олганда, бир вақтнинг ўзида ҳамма нарсага эътибор қаратаман. Бироқ якунда барибир интуиция ўз сўзини айтади, мен қалбим етаклаган томонга қараб ҳаракат қиламан. Бундай лаҳзаларда ички ҳиссиётлар жуда катта рол ўйнайди», - дея дарвозабоннинг сўзларини ФИФА матбуот хизмати келтирмоқда.

ЖЧ-2026 1/8 финал учрашувида Швейцария терма жамоаси Колумбия билан тўқнаш келди. Асосий ва қўшимча вақт 0:0 ҳисобидаги дуранг билан якунланди. Пенальтилар сериясида эса европаликлар аниқроқ ҳаракат қилишди — 4:3. Кобель колумбияликларнинг зарбаларидан бирини қайтаришга муваффақ бўлди.