Марокаш терма жамоаси ва Мадриднинг «Реал» клуби вингери Браим Диас Италия A Серияда фаолиятини давом эттириши мумкин. Бу ҳақда инсайдер Фабрицио Романо хабар бермоқда.
Журналистнинг маълумотларига кўра, туриннинг «Ювентус» клуби марокашлик футболчини ўз сафига қўшиб олишга қизиқиш билдирмоқда. «Кекса синьора» Браимнинг эҳтимолий трансфери бўйича музокаралар олиб бормоқда.
Диаснинг «қироллик клуби» билан амалдаги шартномаси 2027 йилнинг ўрталаригача мўлжалланган. Ярим ҳимоячининг бозор қиймати 35 миллион еврога баҳоланмоқда.
Ўтган мавсумда вингер 42 та учрашувда майдонга тушиб, ўз ҳисобига 2 та гол ва 9 та голли узатмани ёздириб қўйган.
