«Фенербахче» ҳужумчи Мейсон Гринвуднинг трансфери борасида «Марсель» билан келишувга эришди. Келишув суммаси 45 миллион еврони ташкил этади, яна 5 миллион евро эса бонуслар кўринишида кўзда тутилган, дея хабар бермоқда Fanatik.
Манбанинг хабарига кўра, трансфер қийматининг асосий қисми Франция клубига бўлиб-бўлиб тўланади. 23 ёшли инглиз футболчиси билан йиллик маоши 11 миллион евро бўлган тўрт йиллик шартнома келишиб олинган. Футболчи шартнома имзолаш учун ҳафта охиригача Истанбулга етиб келиши, шундан сўнг дарҳол жамоанинг Австриядаги йиғинига йўл олиши кутилмоқда.
Гринвуд 2024 йилнинг ёзида «Манчестер Юнайтед»дан «Марсел»га ўтган эди. Якунланган мавсумда у барча мусобақаларда 45 та ўйинда майдонга тушиб, 26 та гол урди ва 11 та голли узатмани амалга оширди.
