Норвегия терма жамоаси ярим ҳимоячиси Мартин Эдегор ЖЧ-2026 чорак финали доирасида Англия терма жамоасига қарши кечадиган ўйин олдидан ўз фикрлари билан ўртоқлашди.
«Аниқки, биз уларнинг қандай сифатларга эга эканини биламиз. Мен уларни жуда яхши биламан. Ажойиб ўйинчилар, жаҳон даражасидаги футболчилар, эҳтимол, ҳозирги пайтда дунёдаги энг яхши миллий жамоалардан бирида тўп тепишмоқда. Шу сабабли бу биз учун катта синов бўлади.
Аммо менимча, Бразилия ҳам шундай эди. Биз аутсайдер эдик ва кўрганингиздек, футболда ҳар нарса содир бўлиши мумкин. Шундай экан, ҳа, биз яхши ҳаракат қилиб кўрамиз ва нимага қодир эканимизни текширамиз, бу ўйинни интиқлик билан кутяпмиз.
Тўғри, кўпчилигимиз Англияда ўйнаймиз, шунинг учун уларни етарлича яхши биламиз. Шубҳасиз, лигада ушбу рақибларнинг кўпчилигига қарши ўйнаганмиз, уларни таниймиз, лекин гап бутун жамоа ҳақида кетмоқда.
Биз тайёр бўлишимиз, доимгидек рақибни таҳлил қилишимиз ва ўз кучимизга ишонишимиз керак.
Ўйлайманки, биз бутун дунёга яхши жамоа эканимизни кўрсатдик. Айтганимдек, футболда ҳамма нарса мумкин. Гарчи биз яна аутсайдер бўлсак-да, нима бўлишини кузатамиз. Келинг, яхши тайёргарлик кўрамиз ва ўйинимиздан ҳамда шу дамлардан биргаликда завқ олишда давом этамиз, кўрамиз нима бўларкин», — дея 27 ёшли футболчининг сўзларини келтиради PA.
Норвегия — Англия учрашуви 12 июль куни бўлиб ўтади.
