Norvegiya terma jamoasi yarim himoyachisi Martin Edegor JCH-2026 chorak finali doirasida Angliya terma jamoasiga qarshi kechadigan o‘yin oldidan o‘z fikrlari bilan o‘rtoqlashdi.

«Aniqki, biz ularning qanday sifatlarga ega ekanini bilamiz. Men ularni juda yaxshi bilaman. Ajoyib o‘yinchilar, jahon darajasidagi futbolchilar, ehtimol, hozirgi paytda dunyodagi eng yaxshi milliy jamoalardan birida to‘p tepishmoqda. Shu sababli bu biz uchun katta sinov bo‘ladi.

Ammo menimcha, Braziliya ham shunday edi. Biz autsayder edik va ko‘rganingizdek, futbolda har narsa sodir bo‘lishi mumkin. Shunday ekan, ha, biz yaxshi harakat qilib ko‘ramiz va nimaga qodir ekanimizni tekshiramiz, bu o‘yinni intiqlik bilan kutyapmiz.

To‘g‘ri, ko‘pchiligimiz Angliyada o‘ynaymiz, shuning uchun ularni yetarlicha yaxshi bilamiz. Shubhasiz, ligada ushbu raqiblarning ko‘pchiligiga qarshi o‘ynaganmiz, ularni taniymiz, lekin gap butun jamoa haqida ketmoqda.

Biz tayyor bo‘lishimiz, doimgidek raqibni tahlil qilishimiz va o‘z kuchimizga ishonishimiz kerak.

O‘ylaymanki, biz butun dunyoga yaxshi jamoa ekanimizni ko‘rsatdik. Aytganimdek, futbolda hamma narsa mumkin. Garchi biz yana autsayder bo‘lsak-da, nima bo‘lishini kuzatamiz. Keling, yaxshi tayyorgarlik ko‘ramiz va o‘yinimizdan hamda shu damlardan birgalikda zavq olishda davom etamiz, ko‘ramiz nima bo‘larkin», — deya 27 yoshli futbolchining so‘zlarini keltiradi PA.

Norvegiya — Angliya uchrashuvi 12 iyul kuni bo‘lib o‘tadi.