«Арсенал» «Ньюкасл» ярим ҳимоячиси Бруну Гимараэс учун янги расмий таклиф тайёрламоқда, деб хабар берди инсайдер Фабрицио Романо X ижтимоий тармоғида.

Лондон клуби бош мураббийи Микель Артета 28 ёшли бразилиялик футболчини ўз жамоасида кўришни истамоқда. «Канонирлар»нинг 55 миллион фунт стерлинглик дастлабки таклифи, шунингдек, 65 миллион фунтлик иккинчи таклифи ҳам рад этилган эди.

Бразилиялик футболчининг амалдаги шартномаси 2028 йилнинг ёзига қадар мўлжалланган. Transfermarkt портали футболчининг қийматини 60 миллион фунт стерлингга баҳоламоқда.

2025/26 йилги мавсумда Бруну барча турнирларда 41 та ўйинда майдонга тушиб, 9 та гол урди ва 8 та голли узатмани амалга оширди.

ЖЧ-2026да Гимараэс 7 та ўйинда иштирок этиб, 1 та гол ва 4 та голли узатма муаллифи бўлди.