«Барселона» ва Испания терма жамоаси ярим ҳимоячиси Даниэль Ольмо миллий жамоанинг 2026 йилги жаҳон чемпионатидаги рекорди ҳақида фикр билдирди. Испания турнир тарихида кетма-кет олтита ўйинда гол ўтказиб юбормаган илк жамоага айланди.
«Биз ҳаммамиз биргаликда ҳужум қиламиз ва ҳимояланамиз. Ҳужумчи бошлаб беради ва барчамиз унга эргашамиз. Бу бутун ҳимоя чизиғи, Унаи Симон ва бутун жамоанинг ажойиб меҳнати маҳсулидир. Бу Унаи учун тарихий ютуқ, аммо у бор эътиборини фақат шунга қаратгани йўқ. Биз голлар урмоқдамиз ва вазиятлар яратмоқдамиз», — деди Ольмо ўйин олдидан ташкил этилган матбуот анжуманида.
Чорак финалда Испания терма жамоаси Бельгия билан тўқнаш келади. Учрашув 11 июль куни Тошкент вақти билан соат 22:00 да бўлиб ўтади.
