Испания терма жамоаси ярим ҳимоячиси Дани Ольмо ҳужумчи Ламин Ямалнинг жорий жаҳон чемпионатидаги кам самарадорлиги ҳақида ўз фикрини билдирди.
«Ҳатто Ламин гол урмаган тақдирда ҳам, у ўз дриблинги ва шунчаки майдонда борлиги билан бизга кўп нарса беради. Унга доимо уч-тўрт нафар ўйинчи яқин юради, бу эса рақибга бошқа зоналарда муаммолар туғдиради. У бизга ёрдам беришда давом этишига аминмиз», — дея Ольмонинг сўзларини келтиради Marca.
18 ёшли Ямал 2026 йилги жаҳон чемпионатининг барча бешта ўйинида иштирок этиб, битта гол муаллифи бўлди. Ҳозирча унинг ҳисобида голли узатмалар мавжуд эмас.
