Сеск Фабрегас бошчилигидаги "Комо" жамоаси "Галатасарой"нинг биринчи таклифини рад этганидан кейин Давинсон Санчесни сотиб олишдан воз кечмади.

30 ёшли Санчес 2023 йилда "Тоттенхэм"дан "Галатасарой"га ўтганидан бери ўзини Туркия лигасидаги энг яхши ҳимоячилардан бири сифатида кўрсатди. La Gazzetta dello Sport нашрининг хабар беришича, "Комо" колумбиялик футболчини сотиб олишга қизиқмоқда, аммо уларнинг бонусларни ҳам қўшиб ҳисоблаганда 20 миллион евролик таклифи рад этилган.

Истанбул клуби Санчес учун 25 миллион евродан 30 миллион еврогача пул талаб қилаётгани ҳақида хабарлар тарқалган. Ҳимоячининг "Галатасарой" билан шартномаси 2029 йил ёзигача амал қилади.