«Астон Вилла»нинг аргентиналик дарвозабони Эмилиано Мартинес, агар туринликлар ўз таклифларини оширишмаса, «Ювентус»га ўтмайди. Бу ҳақда инсайдер Фабрицио Романо хабар бермоқда.

Манбага кўра, «Астон Вилла» 33 ёшли дарвозабонни «Ювентус»га олти-етти миллион евро эвазига қўйиб юбормоқчи эмас. «Шерлар» дунёнинг энг яхши дарвозабонларидан бири ҳисобланган Мартинес учун анча юқори сумма талаб қилмоқда.

Мартинес «Астон Вилла»да 2020-йилдан бери тўп суриб келмоқда. Ўтган мавсумда аргентиналик дарвозабон барча мусобақаларда 44 та ўйин ўтказиб, 49 та гол ўтказиб юборди ва 14 та ўйинда ўз дарвозаси дахлсизлигини сақлаб қолди.