«Манчестер Юнайтед» қизиқишлари доирасига тушиб қолган «Рома» ярим ҳимоячиси Ману Коне 50 миллион евро эвазига жамоани тарк этмайди. Бу ҳақда Corriere dello Sport нашри хабар бермоқда.
Аввалроқ манкунианликлар Конени майдон марказини кучайтириш учун асосий номзодлардан бири сифатида кўраётгани ва шу сабабли «Аталанта» аъзоси Эдерсон бўйича музокаралардан воз кечгани ҳақида хабарлар тарқалган эди.
Рим клуби жамоанинг энг муҳим футболчиларидан бирини сотишни истамаяпти ва таклифларни фақат 55 миллион евро ва ундан юқори суммадан бошлаб муҳокама қилишга тайёр.
Футболчининг машҳурлиги ва трансфер баҳоси ЖЧ-2026 даги муваффақиятли иштирокидан сўнг сезиларли даражада ошди. У ерда Коне Франция терма жамоасининг асосий таркиб футболчиларидан бирига айланиб улгурди.
