Англия терма жамоасининг юлдуз ярим ҳимоячиси Жуд Беллингем Жаҳон чемпионати — 2026 чорак финалида Норвегия терма жамоаси устидан қозонилган ғалабали ўйиндан сўнг ижтимоий тармоқларда янги пост қолдирди. Британлар қўшимча бўлимларда 2:1 ҳисобида зафар қучишди, ярим ҳимоячи эса дублни расмийлаштирди.
«Курашиш учун яша. Олдинда ярим финал. Ишонамиз!», — дейилади футболчининг ижтимоий тармоқдаги саҳифасида қолдирган хабарида.
Англия ва Аргентина терма жамоалари ўртасидаги ярим финал учрашуви чоршанба куни, 15 июль куни бўлиб ўтади. Учрашув Тошкент вақти билан соат 00:00да бошланиши режалаштирилган.
Ушбу жуфтлик ғолиби финалда Франция — Испания баҳсининг энг кучлисига қарши майдонга чиқади. Мундиалнинг ҳал қилувчи ўйини 19 июль куни бўлиб ўтади.
